ለተለመዱ ጥያቄዎች መልሶች

አጠቃላይ ጥያቄዎች

  1. የዚህ ድህረገጽ አላማ ምንድን ነው?
  2. ሌላ ኩባንያ ፣ ድህረገጽ ወይም ግለሰብ የአሜሪካ ቪዛ ቀጠሮን ከዚህ አገልግሎት በበለጠ ያፈጥናል የሚባለው እውነት ነውን?
  3. ሌላ ኩባንያ ፣ ድህረገጽ ወይም ግለሰብ የአሜሪካ ቪዛ ለማሰጠት ዋስትና መስጠት ይችላል የሚባለው እውነት ነውን?
  4. ለቪዛ ነፃ መርኃ ግብር ብቁ መሆኔን እንዴት አውቃለሁ?
  5. DS-160 በተመለከተ እርዳታ ማግኘት እችላለሁ ወይ ? አንዳንድ ቦታዎች ላይ ምን መሙላት እንዳለብኝ አላውቅም፤ ፎቶዬን በትክክል መጫን አላቻልኩም፤ የማረጋጫ ኢ-ሜል አልደረሰኝም፤የማረጋጫ ኢ-ሜል አልደረሰኝም፡፡
  6. የኢሜይል አድራሻዬ በዚህ ድህረ ገጽ ለምን ጥቅም ይውላል?
  7. የቪዛ ማመልከቻዬን በምሞላበት ወቅት በDS-160 ኦንላይን ፎርም ላይ ለቃለመጠይቅ በመረጥኩት የአሜሪካን ኮንስላር ሳይሆን ሌላ ቦታ የሚገኝ የኮንስላር ቢሮ ቃለ መጠይቄን ማድረግ ብወስን የሞላሁትን ፎርም መጠቀም እችላለሁ ወይ?
  8. የአሜሪካ ቪዛ ሳመለክት የማህበራዊ ሚድያ መለያየን እንዳሳውቅ የሚያዝ መመሪያ አለ ወይ?
  9. ድህረገጹን መክፈት ባልችል ወይም አገልግሎቱን ማግኘት ባልችል ለምሳሌ የክፍያ ማዘዣውን ማውረድ ባልችል፣ የደንበኛ አግልግሎት ቡድኑን በስልክ ማገኘት ባልችል ወይም የሰነድ መላኪያ ፍቃድ ከድህረገጹ ማውረድ ባልችል ምን ማድረግ ይኖርብኛል?
  10. መረጃዬን ስሞላ ስህተት ከሰራሁ እንዴት ስህተቴን ማስተካከል እችላለሁ?
  1. ቪዛ ምንድን ነው?
  2. ምን አይነቶች ቪዛዎች ይገኛሉ?
  3. ለቢ1 /ቢ2 እንዲሁም ለ ሲ1 /ዲ ቪዛ በጥምር ለማመልከት ምን ማድረግ አለብኝ ?
  4. እኔ ቪዛ እንደማገኝ ማን ይወስናል?
  5. የቪዛ ማመልከቻዬን ለማስፈጸም ምን ያህል ጊዜ ይወስዳል?
  6. "አስተዳደራዊ ሂደት"ምንድን ነው?
  7. አሜሪካን ሀገር ውስጥ ለምን ያህል ጊዜ እንድቆይ ተፈቅዶልኛል?
  8. በአንድ ጊዜ ለሁለት የተለያዩ የቪዛ አይነቶች ማመልከት እችላለሁ?
  9. ቪዛዬን ማግኘት የቻልኩኝ እንደሆነ፣ ወደ አሜርካ መግባት እችላለሁ?
  10. ስሜን ቀይሬአለሁ የድሮ ስሜን የያዘውን ቪዛ መጠቀም አችላለሁ ወይ?
  11. ከቃለ መጠይቁ በፊት የመጓዣ ቲኬት መቁረጥ አለብኝ ወይ?

የቪዛ እድሳትና ማራዘም ጥያቄዎች

  1. ቪዛዬን እንዴት ማራዘም እችላለሁ?
  2. በቅርቡ የአገልግሎት ዘመኑን የሚጨርስ ስደተኛ ላልሆኑ (ጊዜያዊ) ቪዛ አለኝ። እንደገና ሙሉ የቪዛ ማመልከቻ ሂደት ውስጥ ማለፍ ያስፈልገኛል?

የፓስፖርት ጥያቄዎች

  1. ለምንድን ነው ፓስፖርቴ ላይ ባዶ ገጽ የሚያስፈልገኝ?
  2. እኔ ድርብ ዜግነት አለኝ። ወደ አሜሪካ ለመጓዝ የትኛውን ፓስፖርት መጠቀም አለበኝ?
  3. ከሚያገለግል ቪዛ የያዘው ፓስፖርቴ ተሰርቋል። ምን ማረግ አለብኝ?
  4. ለአሜሪካ ቪዛ ለማመልከት ፓስፖርቴ ለምን ያህል ጊዜ የሚሰራ መሆን አለበት?
  5. ከቀጠሮው ሰአት በፊት ፓስፖርቴን ማሳደስ ያስፈልገኝ ነበር፡፡ ምን ማድረግ አለብኝ?
  6. ፓስፖርቴ የአገልግሎት ጊዜው አልፎበታል ነገር ግን የአሜሪካ ቪዛዬ ይሰራል። ምን ማድረግ አለብኝ?

MRV ክፍያ የተመለከቱ ጥያቄዎች

  1. የእኔ ማመልከቻ ተቀባይነት አላገኘም። ለቪዛ የከፈለኩት ክፍያ ሊመለስልኝ ይችላል?
  2. በኢንተርኔት መስመር-ላይ የMRV ክፍያ በምከፍለበት ወቅት የስርዓት ስህተት ገጠመኝ። የእኔ ክፍያ አልፏል ወይ? የእኔን MRV ክፍያ ደረሰኝ ቁጥር እንዴት ማግኘት እችላላሁ?
  3. MRV ክፍያዬን ለሌላ ሰው መስጠት ወይም መሸጥ እችላለሁ?
  4. የተሳሰተ MRV ክፍያ መጠን ከፈልኩ፣ ምን ላድርግ?
  5. የአገልግሎት ቀኑ ካለፈ በኋላ የMRV መጠን ከፈልኩ ፣ ምን ማድረግ አለበኝ?
  6. የእኔን የMRV ክፍያ አስበልጨ ከፈልኩ፣ ምን ማድረግ አለበኝ?
  7. የቪዛ ማመልከቻ (MRV) ክፍያን ደንብና ሁኔታዎችን የት ማግኘት እችላለሁ?

የቪዛ ቀጠሮ ጥያቄዎች

  1. ቀረብ ያለ የቀጠሮ ቀን እፈልጋለሁ እና ክፍት ቀጠሮዎችን ማግኘት አልቻለኩም፣ ምን ማድረግ አለበኝ?
  2. የቀጠሮን ጊዜ እንዴት ማስለወጥ ወይም መሰረዝ እችላለሁ?
  3. የቃለ መጠይቅ ቀጠሮዬ ካመለጠኝ ወይንም ካለፈኝ ምን ማድረግ ይገባኛል?
  4. አመልካቹ ማንኛውም ቅሬታዎች የት ነው የሚያቀርበው?
  5. የጊዜ ሰሌዳ ለተያዘለት የቡድን ቀጠሮ እንዴት አድርጌ ነው አበላትን መጨመር ወይም መለወጥ የምችለው?
  6. ለቪዛ ቃለ መጠይቅ ስቀርብ ማን አብሮኝ ሊመጣ ይችላል?
  7. በቆንጽላ ቃለ መጠይቅ ወቅት ሁሉም አመልካቾች በአካል መገኘት አለባቸው ወይ?

ሰነዶችን ስለማስረከብ የሚመለከቱ ጥያቄዎች

  1. ወደ ቆንስላው ክፍል የላክሁዋቸው ዶኩመንቶቼን የት እንዳሉ እንዴት ማወቅ እችላለሁ?
  2. ማመልከቻየ ከታየ በኃላ እንዴት ነው ፓስፖርቴን/ቪዛየን የምቀበለው?
  3. የምቀበልበትን አድራሻ መቀየር እችላለሁ? ወደ መኖሪያ አድራሻየ እንዲላክ ማድረግ እችላለሁ?
  4. የቆንስላውን ክፍል ቃለ መጠይቅ ካደረግኩኝ ሁለት ሳምንት አልፏል፤ መቼ ነው ዶኩመንቶቼ የሚደርሱኝ?
  5. የፖስታ አገልግሎቱ ዶኩመንቶቼን ባፋጣኝ እንዲመልስልኝ ማድረግ እችላለሁ?
  6. የቪዛ ማምልከቻ ሰነዶቼን ለቆንስላ ክፍሉ በፖስታ መላክ እችላለሁ?
  7. ከቆንጽላው ለቪዛ ማመልከቻዬ ተጨማሪ ሰነዶችን እንድልክ መረጃ ደርሶኛል፡፡ ተጨማሪ ሰነዶችን እንዴት መላክ እችላለሁ?
  8. ሰነዴ ያለበትን ደረጃ እንዴት ማወቅ እችላሁ?

አጠቃላይ ጥያቄዎች

  1. የዚህ ድህረገጽ አላማ ምንድን ነው?

    የአሜሪካ የውጭ ጉዳይ ቢሮ ሁሉንም ወይም ጥቂት የሚከተሉትን ስደተኛ ላልሆኑ የቪዛ አገልግሎቶችን ለኢትዮጵያ እንዲያቀርብለCSRAኮንትራት ሰጥትዋል፡፡

    1. የቪዛ አገልግሎት መረጃ (ድህረገጽ ፣ IVR እና የጥሪ ማዕከል)
    2. የቪዛ ክፍያ መሰብሰብ
    3. የቪዛ ማመልከቻ ግምገማ/ ቃለመጠይቅ ጊዜ ሰሌዳ ማስያዝ
    4. ገቢ እና ወጭ የቪዛ ሰነዶች የመልእክት አገልግሎት የማቅረብ ግልጋሎት

    የአሜሪካ የመንግስት ክፍልን በመወከል CSRA እነዚህን አገልግሎቶች በዚህ ሀገር ለመስጠት ብቸኛ በህግ የተፈቀደለት አካል ነው። እነዚህን አገልግሎቶች ለማግኘት ሌላ ኩባንያ ቢጠቀሙ ያ ኩባንያ በማንኛውም ጊዜ የዚህን ድህረገጽ አገልግሎቶች መጠቀም አለበት።

  2. ሌላ ኩባንያ ፣ ድህረገጽ ወይም ግለሰብ የአሜሪካ ቪዛ ቀጠሮን ከዚህ አገልግሎት በበለጠ ያፈጥናል የሚባለው እውነት ነውን?

    አይደለም። ሁሉም ኩባንያዎች ወይም ግለሰቦች ቪዛ ለማግኘት ይህን አገልግሎት መጠቀም አለባቸው። ማንኛውም ግለሰብ ወይም ኩባንያ ቅድሚያ የተለየ ተመራጭነት አይሰጠውም። ማንኛውም በሶስተኛ ወገን የአሜሪካ መንግስት ክፍል የቪዛ አገልግሎቶችን በፍጥነት እንሰጣለን ብሎ ዋስትና የሚሰጥ እና የሚናገር ህጋዊ አካል አይደለም።

    ተጨማሪ ገንዘብ ብከፍልስ?
    ማንኛውም ግለሰብ ወይም ኩባንያ የበለጠ ቅድሚያ ወይም ተመራጭነት አይሰጠውም። ማንኛውም እና ሁሉም እንደነዚህ አይነት ማስታወቂያዎች ትክክለኛ ወይም ህጋዊ አይደሉም።

  3. ሌላ ኩባንያ ፣ ድህረገጽ ወይም ግለሰብ የአሜሪካ ቪዛ ለማሰጠት ዋስትና መስጠት ይችላል የሚባለው እውነት ነውን?

    አይደለም። እንደነዚህ ያሉ ማንኛውም እና ሁሉም አባባሎች ትክክለኛ ወይም ህጋዊ አይደሉም።

  4. ለቪዛ ነፃ መርኃ ግብር ብቁ መሆኔን እንዴት አውቃለሁ?

    ያለ ቪዛ ለመጓዝ ብቁ መሆንዎን ለማወቅ https://travel.state.gov/content/travel/en/us-visas/tourism-visit/visa-waiver-program.html ን ይጎብኙ፡በተጨማሪም ኤሌክትሮኒክ ሲስተም የጉዞ ፈቃድ ደረገፅን በ https://esta.cbp.dhs.gov/esta ሊጎበኙ ይችላሉ፡፡

    አንዳንድ መንገደኞች ያለ ቪዛ ለመጓዝ የሚችሉ አገር ዜጎች ሆነው እያሉ ለሲህ መስፈርት ግን ብቁ ላይሆኑ ይችላሉ፡፡ ከማርች 2011 ወዲህ ወደ ኮሪያ ዴሞክራሲያዊ ህዝቦች ሪፐብሊክ፣ኢራን፣ ኢራቅ፣ሊብያ ፣ ሱዳን፣ሶርያ፣ሶማሊያ ወይም የመን ተጉዘው ከሆነ በቪዛ ነፃ መርኃ ግብር ስር ለመጓዝ ብቁ አይደሉም፡፡ በተመሳሳይ የኮሪያ ዴሞክራሲያዊ ህዝቦች ሪፐብሊክ፣ኢራን፣ ኢራቅ፣ ሱዳን ወይም የሶርያ ጥምር ዜግነት ካልዎ በቪዛ ነፃ መርኃ ግብር ስር ለመጓዝ ብቁ አይደሉም፡፡ እንዲዚህ አይነት ተጓዦች ከአላስፈላጊ የመጨረሻ ሰዓት ሩጫ ለመዳን የስደተኛ ያልሆነ ቪዛ ከጉዞዋቸው ቀን ቀደም ብለው ማመልከት ይኖርባቸዋል፡፡

    አስቸኳይ የሆነ ጉዞ ያለባቸው ሰዎች የተፋጠነ ጉዞ ለማድረግ ጥያቄ ሊያቀርቡ ይችላሉ፡፡ የተፋጠነ የቪዛ ቀጠሮ ለማስያዝ የሚፈልጉ ሰዎች በመጀመሪያ ቅርብ ቀን ቀጠሮ ያስይዙ ፡፡ ከዚያም አካውንትዎ ውስጥ ሳይን ኢን በማድረግ"ቀጥል" የሚለውን ይጫኑ እና “አፍጥነህ ላክ” የሚለውን ተጭነው መመሪያዎችን ይከተሉ፡፡ የሚጓዘው ሰው በጥያቄው የሚጓዝበትን ቀን እና የጉዞውን ምክንያት ሊጠቅስ ይገባል፡፡ በተጨማሪም ከ ESTA የአሜርካን ሀገርን የድንበር ጥበቃ እና ጉምሩክ መልእክት ካለ አብሮ ሊያካትት ይገባል፡፡

    በቪዛ ነፃ መርኃ ግብር ለመጓዝ ብቁ ስለማያደርጉ ሁኔታዎች እንዲሁም ስለ የኤሌክትሮኒክ ፓስፖርት መስፈርቶች ተጨማሪ መረጃ በሚከተለው ድህረገፅ ማግኘት ይቻላል፡ https://travel.state.gov/content/travel/en/us-visas/tourism-visit/visa-waiver-program.html.

  5. DS-160 በተመለከተ እርዳታ ማግኘት እችላለሁ ወይ ? አንዳንድ ቦታዎች ላይ ምን መሙላት እንዳለብኝ አላውቅም፤ ፎቶዬን በትክክል መጫን አላቻልኩም፤ የማረጋጫ ኢ-ሜል አልደረሰኝም፤የማረጋጫ ኢ-ሜል አልደረሰኝም፡፡

    በቪዛ ነፃ መርኃ ግብር ለመጓዝ ብቁ ስለማያደርጉ ሁኔታዎች እንዲሁም ስለ የኤሌክትሮኒክ ፓስፖርት መስፈርቶች ተጨማሪ መረጃ በሚከተለው ድህረገፅ ማግኘት ይቻላል፡ https://travel.state.gov/content/travel/en/us-visas/visa-information-resources/forms/ds-160-online-nonimmigrant-visa-application/ds-160-faqs.html.

  6. የኢሜይል አድራሻዬ በዚህ ድህረ ገጽ ለምን ጥቅም ይውላል?

    የኢሜይል አድራሻዎ ወደ አካውንትዎ በመለያዎ ለመግባት የሚጠቀሙበት ነው። ከዚህ ድህረ ገጽ የሚላኩ ማስታወቂያዎች በሙሉ የሚላኩት በሚሰጡት የኢሜይል አድራሻ ነው። ከusvisa-info.com ምንም ኢሜይል ካልደረሰዎት እባክዎ በኢሜይልዎ የጃንክ እንዲሁም የስፓም ፎልደሮች ውስጥ ይመልከቱ።

  7. የቪዛ ማመልከቻዬን በምሞላበት ወቅት በDS-160 ኦንላይን ፎርም ላይ ለቃለመጠይቅ በመረጥኩት የአሜሪካን ኮንስላር ሳይሆን ሌላ ቦታ የሚገኝ የኮንስላር ቢሮ ቃለ መጠይቄን ማድረግ ብወስን የሞላሁትን ፎርም መጠቀም እችላለሁ ወይ?

    በዚህ ላይ ተጨማሪ መረጃ ካስፈለጎ፣ እባክዎትን የ DS-160 አብዛኛውን ጊዜ የሚጠየቁ ጥያቄዎች ን በ https://travel.state.gov/content/travel/en/us-visas/visa-information-resources/forms/ds-160-online-nonimmigrant-visa-application/ds-160-faqs.html ላይ ይጎብኙ

  8. የአሜሪካ ቪዛ ሳመለክት የማህበራዊ ሚድያ መለያየን እንዳሳውቅ የሚያዝ መመሪያ አለ ወይ?

    በግንቦት 13፣ 2011 ዓ.ም የአሜሪካ የውጭ ጉዳይ ቢሮ የነዋሪዎችና የአጭር ግዜ ቪዛ መጠየቂያ ፎርሞች ላይ ስለ የማህበራዊ ሚድያ መለያ ተጨማሪ ጥያቄዎች አካቷዋል፡፡ ይህ ተጨማሪ ጥያቄ በአጠቃላይ የትም አገር ላይ ሆነው የሚያመለክቱ አመልካቶችን ይመለከታል፡፡ ለበለጠ መረጃ የአሜሪካ የውጭ ጉዳይ ቢሮ ተዘውትረው ሊሚጠየቁ ጥያቄዎች የሚሰጡትን መልሶች ይመለከቱ፡፡

  9. ድህረገጹን መክፈት ባልችል ወይም አገልግሎቱን ማግኘት ባልችል ለምሳሌ የክፍያ ማዘዣውን ማውረድ ባልችል፣ የደንበኛ አግልግሎት ቡድኑን በስልክ ማገኘት ባልችል ወይም የሰነድ መላኪያ ፍቃድ ከድህረገጹ ማውረድ ባልችል ምን ማድረግ ይኖርብኛል?

    የኢንተርኔት የመብራት ወይም የስልክ አግልግሎት መቆራረጥ አጋጥሞት ከሆነ ይህ ችግርሲፈታ መልሰው ይሞክሩ፡ ከዚህ ውጭ በሆነ ምክንያት አግልሎቱን ማግኘት የተቸገሩ ከሆነ በዚህ አድራሻ ያሳውቁን https://ais.usvisa-info.com/am-et/niv/information/contact_us. ሲፅፉ ምን ችግር እንደገጠሞት የትኛው አገልግሎት ላይ እንደተቸገሩ በዝርዝር ገልፀው፣ ምፍትሔውን ይጠይቁ፡፡
  10. መረጃዬን ስሞላ ስህተት ከሰራሁ እንዴት ስህተቴን ማስተካከል እችላለሁ?

    የአሜሪካን የውጭ ጉዳይ ቢሮ አንዴ አካውንት ከፈጠሩ በውኃላ መቀየር የሚችሉት መረጃ ላይ የተወሰነ ገደብ አስቀምጧል፡፡

    • ስልክ ቁጥሮን እና ኢ-ሜል አድራሻዎን በማንኛውም ግዜ መለወጥ ይችላሉ፡፡
    • ክፍያ ከከፈሉ በኃላ የፓስፖርት ቁጥሮን አንድ ግዜ ብቻ መቀየር ይችላሉ፡፡
    • ክፍያ ከከፈሉ በኃላ የሚከተሉትን መረጃዎች መቀየር አይችሉም፡፡ ስም፣ የአባት ስም፣ ፓስፖርቱን የሰጠው አገር/ አካል፣የትውልድ አገር፣ የልደት ቀን፣ጾታ፡፡
    • ሌላ መረጃዎችን ለመቀየር፣ ቀጠሮ አስይዘው ከሆነ መጀመሪያ ቀጠሮዎን መሰረዝ ይኖርቦታል፡፡ የተያዘ ቀጠሮ ከሌሎት ወደ አካውንተዎ በመግባት በስምዎ ትክክል በግራ በኩል ያለውን ምልክት በመጫን "አርትዕ” የሚለውን ይምረጡ፡፡

የቪዛ እድሳትና ማራዘም ጥያቄዎች

  1. ቪዛዬን እንዴት ማራዘም እችላለሁ?

    አሜርካን ሀገር ውስጥ ያለዎትን ቆይታ ለማራዘም የሚፈልጉ ከሆነ፣ የተፈቀደልዎ ጊዜ ከማለቁ በፊት በአሜርካ ለዜግነት ጉዳዮች እና ፍልሰት ጉዳዮች(USCIS) ጥያቄዎትን ሊያቀርቡ ይገባል፡፡ ከተፈቀደልዎ በላይ አሜርካን ሀገር ውስጥ ከቆዩ እንደገና እንዳይመለሱ ገደብ ሊደረግብዎ እና/ወይም ከአሜርካን ሀገር ውስጥ እንዲወጡ (እንዲባረሩ) ሊደረግ ይችላል፡፡ የተፈቀደልዎ ቀን ማብቂያ መቼ እንደሆነ ለማወቅ በጉምሩክ እና ድንበር ጥበቃ ባለስልጣናት ፓስፖርትዎ ላይ ምልክት የተደረገበትን ቀን ይመልከቱ፡፡ ቪዛዎትን እንዴት ለማራዘም እንደሚችሉ ተጨማሪ መረጃ ለማግኘትእባክዎትን የ USCISን ድረገጽ በ https://www.uscis.gov/visit-united-states/extend-your-stay ላይ ይጎብኙ፡፡

  2. በቅርቡ የአገልግሎት ዘመኑን የሚጨርስ ስደተኛ ላልሆኑ (ጊዜያዊ) ቪዛ አለኝ። እንደገና ሙሉ የቪዛ ማመልከቻ ሂደት ውስጥ ማለፍ ያስፈልገኛል?

    አዎን አጅዎ ላይ ያለው ቪዛ ገና ያልተቃጠለም ቢሆን እንደ አዲስ ሙሉ በሙሉ የቪዛ ማመልከቻ ሂደት ውስጥ ሊያልፉ ይገባል ፡፡ ነገር ግን ቀድሞ የነበራቸውን ቪዛ የሚያድሱ ሰዎች ወይም ሌላ ከእድሜ ጋር ግንኙነት ያለውን መስፈርት የሚያሟሉ ሰዎች የቪዛ ቃለ መጠየቅ ላያስፈልጋቸው ይችላል፡፡ ለዚህ ብቁ መሆንዎ የሚወሰነው በቀጠሮ ማስያዝ ሂደት ወቅት ለቀረበልዎ ጥያቄ በሚመልሱት መልስ መሰረት ይሆናል፡፡ ነገር ግን የቆንጽላው ጽህፈት ቤት ማንኛውንም ቪዛ አመልካች ለቃለ መጠይቅ የመጥራት መብቱ የተጠበቀ ነው፡፡

የፓስፖርት ጥያቄዎች

  1. ለምንድን ነው ፓስፖርቴ ላይ ባዶ ገጽ የሚያስፈልገኝ?

    የአሜሪካ ስደተኛ ላልሆኑ ቪዛዎች ለማተም ሙሉ የፓስፖርት ገጽ ያስፈልገዋል። እባክዎን ፓስፖርተዎ ለቪዛ እና ተያያዥ መግቢያ ማህተሞችን ማተሚያ የሚሆን ከ1-2 ባዶ ቪዛ/ማህተም ገጾች መያዙን ያረጋግጡ።

  2. እኔ ድርብ ዜግነት አለኝ። ወደ አሜሪካ ለመጓዝ የትኛውን ፓስፖርት መጠቀም አለበኝ?

    ድርብ ዜግነት ካለዎ እና የአሜሪካ ዜጋ ካልሆኑ ፣ ወደ አሜሪካ ለመግባት የሚፈልጉትን ዜግነት መምረጥ አለብዎት። አሜሪካ ለለመግባት እና ለመውጣት አንድ ፓስፖርት መጠቀም አለበዎት።

  3. ከሚያገለግል ቪዛ የያዘው ፓስፖርቴ ተሰርቋል። ምን ማረግ አለብኝ?

    ፓስፖርትዎ ከ I-94 ወረቀት ቅጽ ጋር ከጠፋ ወይም ከተሰረቀ ፣ ወዲያውኑ ማስተካት አለበዎት። መውሰድ የሚገባዎ የተወሰኑ መንዶች አሉ። የበለጠ ለመረዳት ፣ የጠፉና የተሰረቁ ፓስፖርቶችን፣ ቪዛዎችን ፣ እና ቅጽ I-94ን በተመለከተበ https://travel.state.gov/content/travel/en/us-visas/visa-information-resources/lost-stolen-visas.html ይመልከቱ።

  4. ለአሜሪካ ቪዛ ለማመልከት ፓስፖርቴ ለምን ያህል ጊዜ የሚሰራ መሆን አለበት?

    በሀገሮቸ መሀል የተለየ ስምምነት እስከሌለ ድረስ ፓስፖርቱ ከመንገደኛው ሄዶ ከሚቆየበት ጊዜ ለተጨማሪ 6 ወራት በላይ ዕድሜ ሊኖረው ይገባል፡፡ አገር ተኮር መረጃ ለማግኘት ይህንን ይጎብኙ ለhttps://www.cbp.gov/document/bulletins/six-month-club-update ለተጨማሪ መረጃ https://travel.state.gov/content/visas/en.html ን ይጎብኙ፡፡

  5. ከቀጠሮው ሰአት በፊት ፓስፖርቴን ማሳደስ ያስፈልገኝ ነበር፡፡ ምን ማድረግ አለብኝ?

    አመልካቹ በተያዘለት ቀጠሮ ተገኝቶ አዲሱን ፓሰፖርት ማቅረብ ይችላል። አመልካቹ በተያዘለት የጊዜ ቀጠሮ አዲስ ፓሰፖርት ማግኘት ካልቻለ፣ አመልካቹ ቀጠሮውን መሰረዝ ወይም እንደገና የቀጠሮ ጊዜ ማስያዝ አለበት። ትክክለኛ/የሚሰራ ፓስፖርት ሳይኖረው አመልካች ለቪዛ ማመልከት አይችልም። እባክዎ ፓሰፖርትዎ ከተሰረቀበዎት የፖሊስ ሪፖርት ቅጅ/ኮፒ ያቅረቡ።

  6. ፓስፖርቴ የአገልግሎት ጊዜው አልፎበታል ነገር ግን የአሜሪካ ቪዛዬ ይሰራል። ምን ማድረግ አለብኝ?

    ካልተሰረዘ ወይም ካልተሻረ በቀርአንድ ቪዛ የአገልግሎት ማብቂያ ጊዜው እስከሚያልቅ ድረስ ያገለግላል፡፡ ቪዛዎ የአገልግሎት ጊዜው ያላበቃ እንደሆነ ሁለቱ ፓስፓርት ይዘው ወደ አሜርካን ሀገር ሊጓዙ ይችላሉ፡፡ ይህም ቪዛው ትክክለኛ የሆነ እንደሆነ ለዋና የገዞ አላማዎ ትክክለኛ የሆነ እንደሆነ ነው፡፡ ሁለቱም ፓስፖርቶች (የአገልግሎት ጊዜው ያላበቃው እና ቪዛው ያላበት) ከአንድ ሀገር እና አንድ አይነት ሊሆኑ ይገባል፡፡ ቪዛው የአገልግሎት ጊዜው አላበቃም ማለት ወደ አሜርካን ሀገረ ለመግባት ዋስትና ነው ማለት አይደለም፡፡ የመግባት የመጨረሻው ውሳኔ ሰነዱን በሚያየው የድንበር ጥበቃ እና ጉምሩክ መኮንን ፈቃድ መሰረት ይሆናል፡፡

MRV ክፍያ የተመለከቱ ጥያቄዎች

  1. የእኔ ማመልከቻ ተቀባይነት አላገኘም። ለቪዛ የከፈለኩት ክፍያ ሊመለስልኝ ይችላል?

    አይችልም። የከፈሉት ክፍያ የማመልከቻ ክፍያ ነው። በአለም በየትም ቦታ ያለ ለአሜሪካ ቪዛ የሚያመለክት ሁሉም ሰው ይህን ክፍያ መክፈል አለበት ፣ የማመልከቻዎን ሂደት ወጪ የሚሸፈንበት ነው።

  2. በኢንተርኔት መስመር-ላይ የMRV ክፍያ በምከፍለበት ወቅት የስርዓት ስህተት ገጠመኝ። የእኔ ክፍያ አልፏል ወይ? የእኔን MRV ክፍያ ደረሰኝ ቁጥር እንዴት ማግኘት እችላላሁ?

    የMRV ክፍያዎች ተመላሽ አይሆኑም። የMRV ክፍያ ኢንተርኔት መስመር-ላይ ሆነው ሲፈጽሙ የስርዓት ስህተት ካጋጠመዎ ፣ ሌላ ክፍያ ለመፈጸም አይሞክሩ። የእራስዎን የተጠቃሚ መለያ በመጠቀም ይግቡና ወደ "የእኔ አካውንት'' መነሻ ገጽ ይሂዱ፣ "ቀጥል" የሚለውን አገናኝ ለሊንክ ይጫኑና መመሪያዎችን ይከተሉ።

  3. MRV ክፍያዬን ለሌላ ሰው መስጠት ወይም መሸጥ እችላለሁ?

    የMRV የተከፈለ ክፍያዎች የማይመለሱ እና የማይተላለፉ ናቸው። ከሌላ ሰው ጋር የMRV ክፍያ መሸጥም ሆነ መለወጥ አይችሉም።

  4. የእኔን የMRV ክፍያ አስበልጨ ከፈልኩ፣ ምን ማድረግ አለበኝ?

    ስለ ክፍያዎ ጥያቄችን ወይም የሚያሳስቦ ጉዳይዮች ካሉ፣ እባክዎ በዚህ ድህረገጽ ያለውን የ"ያግኙን" በሚለው ይጠቀሙ።

  5. የቪዛ ማመልከቻ (MRV) ክፍያን ደንብና ሁኔታዎችን የት ማግኘት እችላለሁ?

    የቪዛ ማመልከቻ ክፍያን የተመለከቱ ማንኛውንም መረጃ እዚህ ይገኛል

የቪዛ ቀጠሮ ጥያቄዎች

  1. ቀረብ ያለ የቀጠሮ ቀን እፈልጋለሁ እና ክፍት ቀጠሮዎችን ማግኘት አልቻለኩም፣ ምን ማድረግ አለበኝ?

    አጭር ቀጠሮ እንዲሰጥዎ መጠየቅ ይችላሉ፡፡ ቀጠሮ እንዲያጥርልዎ ለመጠየቅ፣ መጀመሪያ ቅርብ ባገኙት ቀን ቀጠሮ ማስያዝ አለብዎት፡፡ በመቀጠል ከአካውንትዎ ላይ ሆነው “ቀጥል”, የሚለውን ተጭነው “አፍጥነህ ላክ” የሚለውን ተጭነው መመሪያዎቹን ይከተሉ፡፡አጭር ቀጠሮ የሚሰጠው አንደቆንጽላው ፈቃድ ነው፡፡ አጭር ቀጠሮ ከሚያሰጡ ምክንያቶች መሀል፡

    1. የቅርብ ዘመድ ሞት፣ ከፍተኛ ህመም ወይም ህይወትን አደጋ ላይ የሚጥል ሁኔታ አሜርካ ውስጥ ከተከሰተ
    2. አመልካቹ ወይም ከ18 ዓመት እድሜ በታች የሆነ የአመልካች ልጅ ለአስቸኳይ የህክምና እርዳታ መሄድ ሲኖርበት፡፡
    3. ለትምህርት ልውውጥ (F/M/J) ቪዛ የሚያመለክት ሰው ማለትም I-20 ወይም DS-2019 ላይ የተጠቀሰው የትምህርት መጀመሪያ ቀን ከገኙት የቪዛ ማመልከቻ ቀን በፊት ሲሆን፡፡
    4. በአስቸኳይ ወደ አሜሪካን ሀገር ለንግድ ወይም ለስራ ካለው የቪዛ ቀጠሮ ቀን በ 10 ቀናት ውስጥ መሄድ ያለበት ሰው ሲሆን፡፡
    5. ያልተጠበቀ ከባህል ፖለቲካ፣ ጋዜጠኝነት፣ ስፖርት ወይም ኢኮኖሚ ምክንያት ከፍተኛ ዋጋ ላው ጉዞ ሆኖ ካለው የቪዛ ቀጠሮ ቀን በ 10 ቀናት ውስጥ መሄድ ሲኖርበት
  2. የቀጠሮን ጊዜ እንዴት ማስለወጥ ወይም መሰረዝ እችላለሁ?

    አንድን ቀጠሮ መቀየር ወይም መሰረዝ የሚቻለው ቀጠሮው ያላለፈ እንደሆነ ብቻ ነው፡፡ ቀጠሮዎን ለመቀየር ወይም ለመሰረዝ ወደ አካውንትዎ በመግባት “ቀጥል” የሚለውን በመጫን “ቀጠሮ ዳግም ያስይዙ” ወይም “ቀጠሮ ሰርዝ” የሚለውን በመጫን የሚከተሉትን መመሪያዎች ይከተሉ

  3. የቃለ መጠይቅ ቀጠሮዬ ካመለጠኝ ወይንም ካለፈኝ ምን ማድረግ ይገባኛል?

    የቃለ መጠይቅ ቀጠሮዎት ካመለጥዎ፣ ወደ አካውንትዎ በመግባት "ቀጥል" የሚለውን ከዚያም "ቀጠሮዬ አመለጠኝ" የሚለውን በመምረጥ መመሪያዎችን ይከተሉ፡፡ ይኽንን ጥያቄ ለማቅረብ ከመጀምሪያ ቀጠሮ 24 ሰዓት መጠበቅ ይኖርቦታል፡፡

  4. አመልካቹ ማንኛውም ቅሬታዎች የት ነው የሚያቀርበው?

    በድህረገጹ ግርጌ "ያግኙን" አገናኝ ይመረጡ እና መመሪያዎችን ይከተሉ።

  5. የጊዜ ሰሌዳ ለተያዘለት የቡድን ቀጠሮ እንዴት አድርጌ ነው አበላትን መጨመር ወይም መለወጥ የምችለው?

    የቀጠሮ የጊዜ ሰሌዳ ካስያዙ በኋለ የቡድኑን አባለት መጨመር ወይም መቀየር ከፈለጉ፣ የእርስዎን ቡደን ቀጠሮ መሰረዝ አለበዎት፣ የቡድኑን አባላት ይጨምሩ ወይም ያሻሽሉ ከዛም የቡድን ቀጠሮውን እንደገና ያስይዙ።.

    እባክዎን ያስተውሉ ፣ እንደ ቀን መቁጠሪያው የመገኘት ሁኔታ ፣ መጀመሪያ እንዳስያዙት ተመሳሳይ ቀን እና ጊዜ የማስያዝ ዋስትና የሎትም።

  6. ለቪዛ ቃለ መጠይቅ ስቀርብ ማን አብሮኝ ሊመጣ ይችላል?

    በአጠቃላይ ወደ ቆንጽላው ግቢ ውስጥ ሊገቡ የሚችሉት የቪዛ ቀጠሮ ያላቸው ሰዎች ብቻ ናቸው፡፡ እድሜያቸው ከ 18 አመት በታች ለሆኑ አመልካቾች ወላጆች ወይም ህጋዊ አሳዳጊዎች አብረው መግባት ይችላሉ፡፡ ስለ አስተርጓሚዎች ወይም እንክብካቤ ሰጪዎች ተጨማሪ መረጃ ለማግኘት የሚያስፈልግዎ እንደሆነ የቆንጽላውን ድረገጽ ይጎብኙ፡፡

  7. በቆንጽላ ቃለ መጠይቅ ወቅት ሁሉም አመልካቾች በአካል መገኘት አለባቸው ወይ?

    ከዚህ በፊት ቪዛ የነበራቸው ሰዎች ለማሳደስ ፈልገው እንደሆነ ወይም ሌላ ከእድሜ ጋር የተያያዘ መስፈርትን የሚያሟሉ እንደሆነ ያለ ቃለመጠይቅ ሊስተናገዱ ይችላሉ፡፡ ለዚህ መስፈርት ብቁነት የሚወሰነው ቀጠሮ በማስያዝ ሂደት ወቅት ለሚጠየቁ ጥያቄዎች በሚሰጡት መልሶች መሰረት ይሆናል፡፡ ነገር ግን የቆንጽላው ቢሮ ለማንኛውን ቪዛ አመልካች ለቃለ መጠይቅ እንዲቀርብ የመጠየቅ መብቱ እንደተጠበቀ ይሆናል፡፡

ሰነዶችን ስለማስረከብ የሚመለከቱ ጥያቄዎች

  1. ወደ ቆንስላው ክፍል የላክሁዋቸው ዶኩመንቶቼን የት እንዳሉ እንዴት ማወቅ እችላለሁ?

    ፖስታ ቤቱ በዕደላ ላይ ላሉ ፖስታዎች ቁጥር ይሰጣል። ይህንን ቁጥር ዶኩመንቶቸዎን እነዲላኩ በሚያስረክቡበት ግዜ የፖስታ ቤቱን ወኪል በመጠየቅ ሊያገኙ ይችላሉ። የተላከው ፖስታዎ ያለበትን ደረጃ ይህን ቁጥር በመጠቀም በፖስታ አገልግሎቱ ድህረ ገጽ ውስጥ ይገኛል።

  2. ማመልከቻየ ከታየ በኃላ እንዴት ነው ፓስፖርቴን/ቪዛየን የምቀበለው?

    የእያንዳንዱን ግለሰብ ማመልከቻ ለመመልከትና የቪዛ ፍቃድ ማሕተም ለማድረግ የሚወስደው ግዜ እንደየ ግለሰቡ ሁኔታ የተለያየ ነው። የ ዩ ኤስ ኤምባሲን ቆንስላ ክፍል ቃለ መጠይቅ ከጨረሱ በኃላ ማመልከቻዎ ያለበትን ደረጃ እዚህ ድህረ ገጽ ውስጥ በመግባት https://ceac.state.gov/CEAC ማየት ይችላሉ።

    ዶኩመንትዎ ያለበትን ቦታ መከታተሉ ከዩ ኤስ ቆንስላ ክፍል ዶኩመንትዎን ወደ ፖስታ አገልግሎቱ ሲያስተላለፍ ይጀምራል። ከዚያ ቀጥሎ ለዶኩመንትዎ የተላኩበት ቁጥር የተሰጠበትን ግዜ የሚጠቁም መልዕክት በኢሜል ይላክልዎታል።

    ፖስታው ያለበትን ቦታ ለማወቅ በዚህ ድህረ ገጽ ውስጥ ፈርመው በመግባትና የፖስታ አገልግሎቱን ቁጥር በመጠቆም ወደ ፖስታ አገልግሎቱ ድህረ ገጽ ይወስድዎና በቅርብ ግዜ የተጻፈውን መረጃ ማየት ይችላሉ።

  3. የምቀበልበትን አድራሻ መቀየር እችላለሁ? ወደ መኖሪያ አድራሻየ እንዲላክ ማድረግ እችላለሁ?

    አዎን የቪዛ ሰነድዎ እንዲላክ የሚፈልጉበትን አድራሻ ለመቀየር የሚችሉት ከቃለመጠይቅ ቀጠሮዎ ከ 24 ሰአት በፊት ባለው ጊዜ ውስጥ ብቻ ነው፡፡ ከዚህ ሰአት በኋላ አድራሻውን የመቀየር ምርጫ አይኖሮትም፡፡

  4. የቆንስላውን ክፍል ቃለ መጠይቅ ካደረግኩኝ ሁለት ሳምንት አልፏል፤ መቼ ነው ዶኩመንቶቼ የሚደርሱኝ?

    የቪዛ ማመልከቻን ለማካሄድ የሚወስደው ግዜ የቆንስላ ክፍሉ ውሳኔ ይሆናል። ማመልከቻዎ የደረሰበትን ደረጃ ለማወቅ እባክዎ ይህን ድህረ ገጽ ይጎብኙ https://ceac.state.gov/CEAC። ቪዛዎ ከተሰጠ 5 የስራ ቀናት ካለፉና የፖስታ አገልግሎቱ የመላኪያ ቁትር ያልደረሰዎ ከሆነ፤ እባክዎ በዚህ ይገናኙን (Contact Us) በሚለው ገጽ የተሰጠውን መመሪያ ይከተሉ።

  5. የፖስታ አገልግሎቱ ዶኩመንቶቼን ባፋጣኝ እንዲመልስልኝ ማድረግ እችላለሁ?

    አይቻልም። አነድ ግዜ የቆንስላ ክፍሉ ዶኩመንቱ(ቶቹ)ን ለመላኪያ አገልግሎት ካስተላለፈ በሗላ ለማድረስ የሚፈጀው ግዜ ከ 1 - 3 የስራ ቀናት ይሆናል።

  6. የቪዛ ማምልከቻ ሰነዶቼን ለቆንስላ ክፍሉ በፖስታ መላክ እችላለሁ?

    ለቆንጽላው የቪዛ ማመልከቻ ሰነድዎን መላክ የሚችሉት በምዝገባ መጨረሻ ላይ ይኽንን የሚያዝ መመሪያ ከደረስዎት ብቻ ነው፡፡ቪዛ ማመለከቻን በፖስታ ለመላክ ማን ብቁ እንደሆነ ለማወቅ ከፈልጉ እባክዎ https://ais.usvisa-info.com/am-et/niv/information/courier#courier_send ን ይመልከቱ፡፡

  7. ከቆንጽላው ለቪዛ ማመልከቻዬ ተጨማሪ ሰነዶችን እንድልክ መረጃ ደርሶኛል፡፡ ተጨማሪ ሰነዶችን እንዴት መላክ እችላለሁ?

    ለቆንጽላው ተጨማሪ መረጃን መላክ የሚችሉት ተጨማሪ ሰነዶችን እንዲልኩ በድብዳቤ ወይም በኢሜል እንዲልኩ ሲጠየቁ እና መላክ ያለብዎት የሰነድ ዝርዝር ሲደረሶት ብቻ ነው፡፡ ያለ ምንም ክፍያ ሰነዶውን ለመላክ ከፈለጉ በደረስዎት መልዕክት ላይ የተቀመጡትን መመሪያዎች ተከትለው የመላክያ ሰነዱን ከዚህ ድህረገፅ ላያ ያትሙ ፡፡መላኪያውን ማተም ከተቸገሩ፣ በዚህ ድህረገፅ ላይ ሉ “እኛን ያግኙ” በሚለው ገጽ ስር “የመረጃ ማድረስ ጉዳይ” ስር የተዘረዙትን መመሪያ ይከተሉ፡፡ ሰነዶቸን የት ሄደው መላክ እንደሚችሉ ለማወቅ https://ais.usvisa-info.com/am-et/niv/information/courier#courier_sendን ይግብኙ፡፡

  8. ሰነዴ ያለበትን ደረጃ እንዴት ማወቅ እችላሁ?

    ወደ አካውንትዎ በመግባት ስታተስ በሚለው ስር መልእክት የላኩበትን መለያ ቁጥር ሲጫኑ ሰነድዎ ያለበትን ሁኔታ የሚያሳይ ገፅ ይከፈታል፡፡ መልእክት የተላከበት መለያ ቁጥር የማይታይ ከሆነ ፓስፖርትዎ ገና አልተላከም ወይም የመላክ ሄደት ላይ ሊሆን ይችላል፡፡ ኮንስላር ክፍል ቀርበው ቃለመጠይቅ ካደረጉ በኃላ፣ የቪዛ ጥያቄዎ ምን ላይ እንደደረሰ በ https://ceac.state.gov/CEAC ወይም በቃለመጠይቁ ወቅት የተሰጦት መመሪያ ካለ በዚያ መከታተል ይችላሉ፡፡ ከዚህ የተለየ ሰነዶን ስለመረከብ ሌላስጋት ካሎት ወይም ቪዛዎ ከታተመ 5 የስራ ቀን ካለፈና ሰነዱን የሚከታሉበት ቁጥር ካልደረስዎ በዚህ ድረ ገጽ ላይ “እኛን ያግኙ” በሚለው ገጽ ላይ ያለውን መመሪያ ይከተሉ፡፡