Ընդհանուր տեղեկություններ
Ընտանիքի անդամ չհանդիսացող և միասին ճանապարհորդող 5 կամ ավելի դիմորդներ իրավունք ունեն օգտվելու հատուկ «Խմբային մշակիչ» հնարավորությունից, որը նրանց թույլ կտա այս կայքի միջոցով օգտվել տեղեկատվությունից և միասին տեսակցություններ նշանակել: Խմբերում պետք է ընդգրկված լինեն նույն երթուղով ճանապարհորդող անձինք, ինչպես օրինակ՝ միասին ելույթ ունեցող երաժիշտներ կամ նույն խորհրդաժողովին մեկնող պատվիրակություն։
Եթե Դուք չեք բավարարում «Խմբի համակարգող» հաշվին հասանելիության համար սահմանված չափորոշիչներին, ապա Դուք կարող եք ստեղծել հաշիվ և հարցազրույցի համար պայմանավորվածություն ձեռք բերել ոչ ներգաղթային վիզայի սովորական գործընթացի միջոցով։
Եթե կարծում եք, որ կարող եք «Խմբի համակարգող» հաշվին հատուկ հասանելիության իրավունք ունենալ, ապա անհրաժեշտ է, որպեսզի խմբի ներկայացուցիչը հետևի ստորև նշված քայլերին՝
- Ստեղծեք հաշիվ
- Սեղմեք վերին աջ անկյունում գտնվող «Գործողություններ» հղմանը
- Ընտրեք «Հաշվի կարգավորումներ» և սեղմեք «Հայցել նախնական համաձայնություն՝ խմբի գործավար լինելու համար»
- Լրացրեք դիմումի ձևը և «ներկայացրեք»
- Հյուպատոսական բաժինը կուսումնասիրի Ձեր դիմումը, և Դուք էլ․ նամակով կստանաք որոշումը։
Եթե ստացել եք «Խմբի համակարգողի» հաշվի հասանելիություն և վեբկայքի տեխնիկական խնդիրների, մեքենայաընթեռնելի վիզա (MRV) ստանալու դիմումի համար վճարի կամ մուտք գործելու համար անհրաժեշտ Ձեր տեղեկությունների (էլ․ փոստ և գաղտնաբառ) վերաբերյալ օգնության կարիք ունեք, ապա ուղարկեք էլ․ նամակ հետևյալ հասցեով՝ Group_Processing_ARM@visaops.net։