Presidential Proclamation 10014

Հունիսի 22-ին՝ երկուշաբթի, նախագահ Թրամփը ստորագրեց դեպի Միացյալ Նահանգներ որոշ ներգաղթողների և ոչ ներգաղթողների մուտքը կասեցնող հռչակագիր, որոնք ռիսկ են ներկայացնում ԱՄՆ-ի աշխատանքային շուկային կորոնավիրուսի բռնկմանը հաջորդող ժամանակաշրջանում։ Անմիջապես ուժի մեջ մտած հռչակագիրը երկարացնում է որոշ ներգաղթողների մուտքի կասեցումը (նախագահական հռչակագիր թիվ 10014) մինչև 2020թ․ դեկտեմբերի 31։ Հռչակագրով սահմանված նոր սահմանափակումները ուժի մեջ են մտել հունիսի 24-ին, չորեքշաբթի, ժ․ 12:01 a.m. EDT ժամանակով, և վավեր են մինչև 2020թ․ դեկտեմբերի 31-ը, եթե չերկարաձգվեն նախագահի կողմից։ Հռչակագիրը կիրառելի չէ ԱՄՆ քաղաքացիների, օրինական մշտական բնակիչների և օտարերկրացիների նկատմամբ, ովքեր հռչակագրի ուժի մեջ մտնելու ամսաթվի դրությամբ գտնվում կամ գտնվել են Միացյալ Նահանգներում կամ ունեն վավեր ոչ ներգաղթային կամ ներգաղթային վիզա։

Հռչակագիրը կասեցնում է հետևյալ կատեգորիաներին պատկանող ոչ ներգաղթողների մուտքը․ H-1B, H-2B, J (օտարերկրացիներ, որոնք մասնակցում են պրակտիկանտի, ստաժորի, ուսուցչի, ճամբարի խորհրդատուի, au pair կամ ամառային աշխատանքային ճամփորդական ծրագրի) և L՝ իրենց ամուսինների/կանանց և երեխաների հետ միասին։ Հռչակագրի համաձայն չեն կարող չեղարկվել վավեր վիզաները։ Նախագահական թիվ 10014 հռչակագիրը և այս հռչակագիրը սահմանափակումների որոշ բացառություններ են տրամադրում որոշակի կատեգորիաների պատկանող ներգաղթողների և ոչ ներգաղթողների համար։ Նախագահական հռչակագրերի ամբողջական տեքստը հասանելի է Սպիտակ տան կայքում՝ https://www.whitehouse.gov/presidential-actions/proclamation-suspending-entry-aliens-present-risk-u-s-labor-market-following-coronavirus-outbreak/.