Tez-tez verilən suallar

Ümumi Suallar

  1. Bu saytın məqsədi nədir?
  2. Düzdürmü ki, başqa Şirkət, İnternet saytı və ya şəxs bu xidmətə nisbətən daha tez ABŞ Vizası görüşünü təşkil edə bilər?
  3. Düzdürmü ki, başqa Şirkət, İnternet saytı və ya şəxs ABŞ Vizasının verilməsinə zəmanət verə bilər?
  4. Vizasız daxil olma rejimi proqramına hüququm olduğunu necə bilərəm?
  5. DS-160 ilə bağlı mənə yardım edə bilərsinizmi? Müəyyən qrafaya nə yazacağımı bilmirəm. Mən şəklimi lazımi qaydada kompyuterə yükləyə bilmirəm. Təsdiq e-məktubu ala bilmirəm. Təsdiq səhifəmi çap edə bilmirəm
  6. Mənim e-poçt ünvanım bu internet saytında nə üçün istifadə edilir?
  7. Əgər viza üçün müraciət edəcəyim ABŞ Konsulluq Şöbəsini seçmişəmsə, lakin müsahibə üçün başqa ABŞ Konsulluq Şöbəsində qəbula yazılmışamsa, mənim DS-160 onlayn formam ilə nə baş verəcək?
  8. ABŞ vizasina dair ərizə verdikdə sosial mediaya ilə bağlı identifikatırların təmin edilməsi tələbi vardır mı?

Viza ilə əlaqədar suallar

  1. Viza nədir?
  2. Hansı növ Vizalar mövcuddur?
  3. Mən C1/D və B1/B2 ikiqat vizası üçün müraciət etmək istəyirəm. Bunun üçün nə etməliyəm?
  4. Mənə viza vermək qərarını kim verir?
  5. Mənim viza üçün ərizəmə nə qədər vaxta baxılacaq?
  6. İnzibati işlənmə nədir?
  7. Birləşmiş Ştatlarda nə qədər qala bilərəm?
  8. Eyni zamanda iki müxtəlif viza növü üçün ərizə verə bilərəm?
  9. Vizamı aldıqdan sonra ABŞ-a daxil ola biləcəyəmmi?
  10. Mən adımı dəyişdirmişəm. Köhnə adımla ABŞ vizam etibarlı sayılırmı?
  11. Səyahətimi müsahibədən əvvəl rezervasiya etməliyəm?

Vizanın yenilənməsi və vaxtının uzadılması ilə bağlı suallar

  1. Mən vizamın vaxtını necə uzada bilərəm?
  2. Mənim tezliklə başa çatacaq qeyri-immiqrant vizam vardır. Mən bütün viza ərizəsi prosesindən bir də keçməliyəm?

Pasportla bağlı suallar

  1. Pasportumda boş səhifə nəyə görə lazımdır?
  2. Mənim ikili vətəndaşlığım var. Birləşmiş Ştatlara hansı pasportumla səfər etməliyəm?
  3. Qüvvədə olan viza vurulmuş pasportum oğurlanmışdır. Nə etməliyəm?
  4. ABŞ vizasına ərizə vermək üçün pasportum nə qədər müddətə qüvvədə olmalıdır?
  5. Mən planlaşdırılmış qəbul tarixinə qədər pasportumu dəyişməli oldum. Nə etməliyəm?
  6. Mənim pasportumun vaxtı qurtarmışdır, ancaq ABŞ vizam hələ də qüvvədədir. Nə etməliyəm?

MRV haqqı ilə bağlı suallar

  1. Mənim ərizəm rədd edildi. Viza haqqını geri ala bilərəmmi?
  2. MRV haqqını onlayn ödəyən zaman sistemin xətası mesajını aldım. Mənim ödənişim keçdimi? Mən MRV haqqının ödənməsi qəbzinin nömrəsini necə ala bilərəm?
  3. MRV rüsumumu sata və ya başqa birinə verə bilərəm?
  4. Mən MRV haqqını səhv məbləğdə ödəmişəm, nə edim?
  5. Mən MRV haqqını son tarixdən sonra ödəmişəm, nə edim?
  6. Mən MRV haqqını lazım olandan çox ödəmişəm, nə edim?
  7. Viza üçün ərizə (MRV) haqqı ilə bağlı şərt və müddəaları haradan tapa bilərəm?

Viza üçün görüşlə bağlı suallar

  1. Daha tez görüşə ehtiyacım var və boş olan görüş günü yoxdur, nə etməliyəm?
  2. Görüşü necə ləğv edə və ya vaxtını dəyişə bilərəm?
  3. Müsahibəyə gəlməsəm nə etməliyəm?
  4. Ərizəçi şikayətləri harada verə bilər?
  5. Planlaşdırılmış qrup görüşləri üçün üzvləri necə əlavə edə və ya dəyişdirə bilərəm?
  6. Viza üçün müsahibəyə məni kim müşayiət edə bilər?
  7. Bütün viza ərizəçilərindən konsulluq müsahibəsinə şəxsən gəlmək tələb olunur?
  8. Əgər səhv etmişəmsə, qəbula yazıldıqdan sonra məlumatlarımı redaktə edə bilərəm?

Sənədlərin çatdırılması ilə bağlı suallar

  1. Konsulluq Şöbəsinə göndərdiyim sənədləri necə izləyə bilərəm?
  2. Ərizəyə baxıldıqdan sonra mən pasportumu/vizamı necə alacağam?
  3. Sənədləri götürmə ünvanını dəyişə bilərəmmi? Evə çatdırılmaya dəyişə bilərəmmi?
  4. Mənim Konsulluq Şöbəsindəki müsahibəmdən sonra 2 həftədən çox vaxt keçmişdir, mən sənədlərimi nə vaxt ala bilərəm?
  5. Sənədlərimin kuryerlə qaytarılmasını tezləşdirə bilərəmmi?
  6. Mən viza üçün ərizə sənədlərini Konsulluq Şöbəsinə poçtla təqdim edə bilərəmmi?
  7. Viza müraciətimlə əlaqədar olaraq əlavə sənədlər təqdim etmək üçün konsulluq şöbəsindən təlimatlar almışam. Bunu necə etməliyəm?
  8. Sənədlərin çatdırılması statusunu necə izləyə bilərəm?

Ümumi Suallar

  1. Bu saytın məqsədi nədir?
  2. ABŞ Dövlət Departamenti CSRA şirkəti ilə Azərbaycan üçün aşağıdakı Qeyri-immiqrant viza xidmətlərinin hamısını və ya bəzilərini təchiz etmək üçün müqavilə bağlamışdır:

    1. Viza xidməti haqqında məlumat (İnternet, IVR və telefon xidməti mərkəzi)
    2. Viza haqqının toplanması
    3. Viza ərizəsinə baxışın/müsahibələrin planlaşdırılması
    4. Viza sənədlərinin kuryerlə gətirilməsi və göndərilməsi

    CSRA bu ölkədə ABŞ Dövlət Departamenti adından bu xidmətləri göstərmək səlahiyyəti almış yeganə təşkilatdır. Siz bu xidmətlərin göstərilməsi üçün başqa şirkətdən istifadə etsəniz, həmin şirkət yenə də bu internet saytında olan xidmətlərdən istifadə etməlidir.

  3. Düzdürmü ki, başqa Şirkət, İnternet saytı və ya şəxs bu xidmətə nisbətən daha tez ABŞ Vizası görüşünü təşkil edə bilər?
  4. Xeyr. Bütün şirkətlər və şəxslər viza almaq üçün bu xidmətdən istifadə etməlidir. Heç bir şəxsə və ya şirkətə üstünlük verilmir. Hər hansı üçüncü tərəflərin ABŞ Dövlət Departamenti Viza xidmətlərinə daha tez girişlərinə zəmanət vermək iddiaları fırıldaqdır.

    Bəs artıq pul ödəsəm necə?
    Heç bir şəxsə və ya şirkətə üstünlük verilmir. Bütün və hər hansı belə iddia fırıldaqdır.

  5. Düzdürmü ki, başqa Şirkət, İnternet saytı və ya şəxs ABŞ Vizasının verilməsinə zəmanət verə bilər?
  6. Xeyr. Bütün və hər hansı belə iddia fırıldaqdır.

  7. Vizasız daxil olma rejimi proqramına hüququm olduğunu necə bilərəm?
  8. "Vizadan azad edilmə proqramına" uyğun olduğunuzu müəyyən etmək üçün bu səhifəyə baş çəkin: https://travel.state.gov/content/travel/en/us-visas/tourism-visit/visa-waiver-program.html. Siz həmçinin Elektron Səyahət İcazəsi Sisteminin (ESTA) internet saytına da baş çəkə bilərsiniz: https://esta.cbp.dhs.gov/esta.

    "Vizadan azad edilmə proqramının" partnyor ölkələrinin vətəndaşı olan bəzi səyahətçilər bu proqram əsasında ABŞ-a səyahət etmək imkanına malik olmaya bilər. Əgər 2011-ci ilin mart ayından sonra İran, İraq, Liviya, Sudan, Suriya, Somali və Yəmənə səyahət etmişsinizsə, sizin "Vizadan azad edilmə proqramı" əsasında səyahət etmək hüququnuz yoxdur. Bu səyahətçilər hər hansı arzuedilməz gecikmələrə yol verməmək üçün səyahət tarixindən xeyli qabaq qeyri-immiqrant vizası üçün müraciət etməlidirlər.

    Təxirəsalınmaz səyahət ehtiyacı olan səyahətçilər viza üçün sürətləndirilmiş qəbula yazılma xahiş edə bilər. Viza üçün sürətləndirilmiş qəbula yazılma xahiş etmək üçün əvvəlcə ən yaxın boş tarixə adi viza qəbuluna yazılın. Sonra hesabınıza daxil olun, "Continue" (Davam et) bəndini klikləyin, "Request Expedite" (Sürətləndirmə xahiş etmək) seçin və təlimatları yerinə yetirin. Səyahətçi öz xahişində səyahətin tarixini və məqsədini, habelə ABŞ Gömrük və Sərhəd Mühafizəsi Xidmətindən onun ESTA statusuna dair aldığı hər hansı mesajın surətini və, əgər aidiyyəti varsa, ESTA müraciətinin nə üçün rədd edildiyini daxil etməlidir.

    Elektron pasport daxil olmaqla, Viza Ləğvi Proqramı çərçivəsində səyahətlə bağlı məhudiyyətlər ilə əlaqədar daha çox məlumat aşağıda mövcuddur https://travel.state.gov/content/travel/en/us-visas/tourism-visit/visa-waiver-program.html.

  9. DS-160 ilə bağlı mənə yardım edə bilərsinizmi? Müəyyən qrafaya nə yazacağımı bilmirəm. Mən şəklimi lazımi qaydada kompyuterə yükləyə bilmirəm. Təsdiq e-məktubu ala bilmirəm. Təsdiq səhifəmi çap edə bilmirəm
  10. Bu ancaq vizaya dair məlumat və görüşün təyin edilməsi xidmətidir. Yardımçı məsləhətləri və ya DS-160 forması ilə bağlı məlumat və ya yardımı ABŞ Dövlət Departamentinin internet saytından almaq olar. DS-160 forması ilə bağlı tez-tez verilən sualları https://travel.state.gov/content/travel/en/us-visas/visa-information-resources/forms/ds-160-online-nonimmigrant-visa-application/ds-160-faqs.html formasından ala bilərsiniz.

  11. Mənim e-poçt ünvanım bu internet saytında nə üçün istifadə edilir?
  12. Sizin e-poçt ünvanınız sizin hesabınıza daxil olmaq üçün ID olacaq. Bu internet saytından göndərilmiş bütün e-poçt bildirişləri göstərdiyiniz e-poçt ünvanına göndəriləcək. usvisa-info.com ünvanından heç bir məktub almırsınızsa, lütfən öz SPAM və yararsız qovluqlarınızı yoxlayın.

  13. Əgər viza üçün müraciət edəcəyim ABŞ Konsulluq Şöbəsini seçmişəmsə, lakin müsahibə üçün başqa ABŞ Konsulluq Şöbəsində qəbula yazılmışamsa, mənim DS-160 onlayn formam ilə nə baş verəcək?
  14. Bu xüsusi hal ilə bağlı məlumat almaq üçün aşağıdakı ünvanda DS-160 haqda tez-tez verilən suallar bölməsinə baş çəkin: https://travel.state.gov/content/travel/en/us-visas/visa-information-resources/forms/ds-160-online-nonimmigrant-visa-application/ds-160-faqs.html.

  15. ABŞ vizasina dair ərizə verdikdə sosial mediaya ilə bağlı identifikatırların təmin edilməsi tələbi vardır mı?
  16. 31 may 2019-cu il tarixində Dövlət Departamenti, dünya üzrə ABŞ viza üçün ərizə verənlərin əksəriyyətindən əlavə məlumat, o cümlədən sosial mediaya ilə bağlı identifikatorları almaq üçün öz immiqrant və qeyri-immiqrant viza ərizə formalarını yeniləmişdir. Daha ətraflı məlumat almaq üçün tez-tez verilən suallara Dövlət Departamentinin cavablarına lütfən baxın.

Viza ilə əlaqədar suallar

  1. Viza nədir?
  2. ABŞ vətəndaşları və qanuni daimi sakinlərin ABŞ-a daxil olmaq üçün vizaya ehtiyacları yoxdur. Ümumiyyətlə, Birləşmiş Ştatlara daxil olmaq istəyən xarici dövlətin vətəndaşı əvvəlcə ABŞ vizası almalıdır. Müəyyən beynəlxalq səyahətçilər ABŞ Vizasız giriş rejimi proqramının tələblərinə cavab verərsə, Birləşmiş Ştatlara vizasız daxil olmaq hüququ qazana bilər. Əlavə məlumat üçün Dövlət Departamentinin internet saytına daxil ola bilərsiniz: http://www.travel.state.gov.

  3. Hansı növ Vizalar mövcuddur?
  4. Birləşmiş Ştatlara müvəqqəti səyahət etmək üçün müxtəlif qeyri-immiqrant viza növləri mövcuddur. Sizə lazım olan viza növü sizin səyahətin məqsədindən asılı olacaq. Vizaların bütün növlərinə dair məlumat almaq üçün lütfən https://travel.state.gov/content/travel/en/us-visas/visa-information-resources/all-visa-categories.html saytına daxil olun.

  5. Mən C1/D və B1/B2 ikiqat vizası üçün müraciət etmək istəyirəm. Bunun üçün nə etməliyəm?
  6. Siz C1/D vizası üçün qəbula yazılmaqdan ötrü bir ədəd onlayn DS-160 müraciət formasını doldurmalı və bir ədəd viza rüsumunu ödəməlisiniz.

    Müsahibə zamanı siz C1/D və B1/B2 ikiqat vizası üçün müraciət etmək istədiyinizi Konsulluq əməkdaşına bildirməlisiniz.

    Qeyd: İkiqat viza üçün müraciət yalnız C1/D üçün mümkündür, hər hansı digər qeyri-immiqrant vizasının kombinasiyası qəbul edilmir.

  7. Mənə viza vermək qərarını kim verir?
  8. ABŞ qanunlarına əsasən vizanın verilməsi üçün cavabdehliyi Dövlət Departamenti daşıyır və vizaların əksəriyyəti Dövlət Departamentinin xarici ölkələrdə yerləşən Səfirlikləri və Konsulluqlarında verilir. ABŞ Konsulluq məmuru müsahibə zamanı ərizənizi nəzərdən keçirəcək və sizin viza almaq hüququnuzu müəyyən edəcək.

    Viza ABŞ-a daxil olmaq icazəsi vermir. Viza sadəcə olaraq sizin ərizənizin ABŞ Konuslluq ofisində ABŞ Konsulluq məmuru tərəfindən nəzərdən keçirildiyini və məmurun sizin müəyyən məqsədlə ölkəyə giriş məntəqəsinə qədər səyahət etmək hüququnuzun olduğunu təsdiq etdiyini göstərir.

    CSRA, yaxud əməkdaşlarımız sizin viza ərizənizlə bağlı heç bir qərar vermir, yaxud onun nəticələrinə təsir etmir.

  9. Mənim viza üçün ərizəmə nə qədər vaxta baxılacaq?
  10. Konsulluq Şöbəsinin sizin viza ərizəsinə baxacağı müddət aşağıdakılardan asılı olaraq fərqlənə bilər:

    • viza ərizənizin tamlığı
    • viza ərizənizin yoxlanmasına lazım olan müddət ərizənizin işlənməsinə sərf edilən müddətə təsir edə bilər
    • Konsulluq Şöbəsi sizin ərizənizlə bağlı qərar qəbul etməzdən əvvəl əlavə məlumatın lazım olduğunu aşkar edə bilər

    Müsahibə görüşünə çağrılmaq üçün nə qədər gözləməli olacağınızı nəzərdən keçirmək üçün lütfən ABŞ Dövlət Departamenti onlayn vasitəsinə müraciət edin: https://travel.state.gov/content/travel/en/us-visas/visa-information-resources/wait-times.html. Bu onlayn vasitə həmçinin Konsulluğun rəsmi əməkdaşının sizə Viza vermək qərarından sonra vizanızın Konsulluq Şöbəsində hazırlanacağı müddəti də deyəcək. Lütfən nəzərə alın ki, vizanın baxılması dövrünə inzibati işlənmə üçün lazım olan vaxt daxil edilmir.

  11. İnzibati işlənmə nədir?
  12. Bəzi viza müraciətləri üçün əlavə inzibati işlənmə tələb olunur və bu, konsulluq əməkdaşı tərəfindən viza ərizəçisinin müsahibə edilməsindən sonra əlavə vaxt aparır. Ərizəçilərə bu tələb barədə konsulluq əməkdaşı ilə müsahibə zamanı məlumat verilir. Müsahibədə iştirak etdikdən sonra viza müraciətinizin statusunu https://ceac.state.gov/CEAC səhifəsində izləyə və ya, əgər aidiyyəti varsa, müsahibə zamanı sizə verilmiş təlimatları yerinə yetirə bilərsiniz. İnzibati işlənmə haqda əlavə məlumat almaq və ya işə aid sorğular üçün https://travel.state.gov/content/travel/en/us-visas/visa-information-resources/administrative-processing-information.html səhifəsinə və ya konsulluq şöbəsinin internet saytına baş çəkin.

  13. Birləşmiş Ştatlarda nə qədər qala bilərəm?
  14. Ərizəçilər nəzərə almalıdır ki, viza Birləşmiş Ştatlara giriş zəmanəti vermir. Qanun nöqteyi-nəzərindən viza ölkəyə giriş məntəqəsində viza sahibinin Birləşmiş Ştatlara daxil olmaq üçün müraciət edə biləcəyi müddəti göstərir.

    Giriş məntəqəsində ABŞ Milli Təhlükəsizlik Departamentinin (DHS) immiqrasiya məmuru girişə icazə prosesinin bir hissəsi kimi sizə ölkəyə daxil olmaq icazəsi vermək və ölkədə müəyyən məqsədlə qala biləcəyiniz müddətə dair qərar qəbul edir. Ancaq ABŞ immiqrasiya məmuru sizə Birləşmiş Ştatlara daxil olmaq icazəsi verə bilər. Əlavə məlumat üçün lütfən "Birləşmiş Ştatlara giriş icazəsi və Qalma Müddətiniz" səhifəsinə müraciət edin https://travel.state.gov/content/travel/en/us-visas/visa-information-resources/visa-expiration-date.html.

  15. Eyni zamanda iki müxtəlif viza növü üçün ərizə verə bilərəm?
  16. Bu xidmət ərizəçiyə bir dəfəyə bir viza ərizəsinin haqqını ödəmə və planlaşdırma imkanı verir.

    Konsulluq Şöbəsi birinci ərizə növü üçün planlaşdırılmış görüş zamanı ərizəçiyə ikinci viza növü ilə bağlı müsahibə keçməyə və haqqını ödəməyə icazə verə bilər.

    Eyni zamanda iki müxtəlif viza növü üçün ərizə vermə proseduru:

    1. Bu internet saytından və ya telefon xidmətindən istifadə edərək MRV haqqını ödəyin və ərizə vermək istədiyiniz bir viza növü üçün görüş planlaşdırın.
    2. Planlaşdırılmış görüş(lər)də iştirak edin.
      • Planlaşdırılmış viza növü üçün bütün ərizə sənədlərini mütləq gətirin.
      • Bundan əlavə, ikinci (planlaşdırılmamış) viza növü üçün əlavə sənədləri və ödənişi mütləq gətirin.
      • Siz DS-160 formasında hər iki viza növünü https://ceac.state.gov/genniv səhifəsində göstərməlisiniz.
    3. Planlaşdırılmış görüşdə Konsulluğun məsul işçinin göstərişlərinə əməl edərək ikinci viza növü üçün NRV haqqının ödənməsi da daxil olmaqla ərizə vermə prosesini tamamlayın.
  17. Vizamı aldıqdan sonra ABŞ-a daxil ola biləcəyəmmi?
  18. Visa Birləşmiş Ştatlara daxil olmağa təminat vermir, lakin xarici vətəndaşın ABŞ-ın giriş məntəqəsinə səyahət eməsinə və Birləşmiş Ştatlara daxil olmaq üçün icazə istəməsinə imkan verir. Daxili Təhlükəsizlik Nazirliyi ABŞ Gömrük və Sərhəd Mühafizəsi (CBP) xidmətinin immiqrasiya əməkdaşları Birləşmiş Ştatlara daxil olmaq üçün icazə vermək və ya verməmək səlahiyyətinə malikdirlər. ABŞ Gömrük və Sərhəd Mühafizəsi xidmətinin bu vebsatında (https://www.cbp.gov/travel/international-visitors) Birləşmiş Ştatlara daxil olmağa dair ətraflı məlumatlar verilmişdir.

    29 noyabr 2016-cı ildən etibarən Çin Xalq Respublikası pasportlarında 10 illik B1, B2 və ya B1/B2 vizası olan Çin vətəndaşlarından Birləşmiş Ştatlara səyahət etməzdən əvvəl Elektron Viza Yeniləmə Sistemi (EVUS) vasitəsilə viza müraciətlərində bioqrafik və başqa məlumatlarını yeniləmək tələb olunur. Bu yeniləmə, hansının birinci baş verməsindən asılı olaraq, iki ildən bir və ya yeni pasport ya da B1, B2 yaxud B1/B2 vizası aldıqdan sonra yerinə yetirilməlidir.

    EVUS üçün qeydiyyat https://www.evus.gov ünvanında mümkündür. Hal-hazırda EVUS qeydiyyatı üçün ödəniş tələb olunmur. Ödəniş haqqı tətbiq edilənə qədər səyahət edənlər EVUS üçün ödənişsiz qeydiyyatdan keçə bilərlər. Daxili Təhlükəsizlik, Gömrük və Sərhəd Mühafizəsi Departamenti (CBP) viza sahiblərini https://www.cbp.gov/evus ünvanında yeni məlumatlarla təmin edəcək.

    自2016年11月29日起,所有持中华人民共和国护照和10年期B1、B2或B1/B2签证的中国公民赴美前,必须通过签证更新电子系统(EVUS)更新与签证申请有关的个人信息和其它信息。此更新须每两年进行一次,或者在获得新护照或新的B1、B2或B1/B2签证时进行更新,以先到期者为准。

    EVUS登记网站为 https://www.evus.gov。目前EVUS登记不收费。在实施收费规定之前,旅客可免费进行登记。美国国土安全部海关和边境保护局(CBP)将通过网站 https://www.cbp.gov/evus 向签证持有人公布最新信息。

  19. Mən adımı dəyişdirmişəm. Köhnə adımla ABŞ vizam etibarlı sayılırmı?
  20. Əgər adınız evlilik, boşanma yolu ilə və ya məhkəmə qərarı ilə qanuni surətdə dəyişdirilmişsə, sizə yeni pasport almaq lazım gələcək. Yeni pasport aldıqdan sonra Dövlət Departamenti sizin Birləşmiş Ştatlara gəlməyinizi və buradan getməyinizi asanlaşdırmaq üçün yeni ABŞ vizası üçün müraciət etməyinizi tövsiyə edir.

  21. Səyahətimi müsahibədən əvvəl rezervasiya etməliyəm?
  22. Ərizəçilərə pasport və vizalarını almayana qədər səyahətlərini rezervasiya etməmək təkidlə tövsiyə edilir.

Vizanın yenilənməsi və vaxtının uzadılması ilə bağlı suallar

  1. Mən vizamın vaxtını necə uzada bilərəm?
  2. Əgər Birləşmiş Ştatlarda müvəqqəti qalma müddətinizi uzatmaq istəyirsinizsə, icazə verilmiş qalma müddəti başa çatmadan ABŞ Vətəndaşlıq və İmmiqrasiya Xidmətləri (USCIS) idarəsinə müraciət təqdim etməlisiniz. Əgər Birləşmiş Ştatlarda icazə verilən müddətdən çox qalarsınızsa, qayıtmağınıza qadağa qoyula və/yaxud siz Birləşmiş Ştatlardan çıxarıla (deportasiya edilə) bilərsiniz. Sizə icazə verilən qalma müddətinin başa çatma tarixini müəyyən etmək üçün Gömrük və Sərhəd Mühafizəsi Xidmətinin əməkdaşları tərəfindən pasportunuzda möhürlə qeyd edilmiş qalma müddətinizi yoxlayın. Vizanızı necə uzatmağa dair ətraflı məlumat almaq üçün USCIS-in internet saytına baş çəkin: https://www.uscis.gov/visit-united-states/extend-your-stay.

  3. Mənim tezliklə başa çatacaq qeyri-immiqrant vizam vardır. Mən bütün viza ərizəsi prosesindən bir də keçməliyəm?
  4. Bəli, hər dəfə viza üçün müraciət etdikdə, hətta vizanız hələ də etibarlı olsa belə, siz bütün viza müraciəti prosesindən keçməli olacaqsınız. Bununla belə, əvvəlki ABŞ vizasını yeniləyənlər və ya müəyyən yaş qrupuna aid şəxslər viza müsahibəsindən azad edilə bilər. Bu hüquq qəbula yazılma prosesində suallara verilmiş cavablar əsasında müəyyən edilir. Bununla belə, konsulluq əməkdaşları hər hansı viza ərizəçisindən müsahibə tələb etmək hüququna malikdirlər.

Pasportla bağlı suallar

  1. Pasportumda boş səhifə nəyə görə lazımdır?
  2. ABŞ Qeyri-immiqrant vizası pasportun bütün səhifəsini tutur. Lütfən pasportunuzda vizanı çap etmək və əlaqədar giriş möhürü vurmaq üçün ən azı 1-2 boş viza /möhür vərəqi olmasını təmin edin.

  3. Mənim ikili vətəndaşlığım var. Birləşmiş Ştatlara hansı pasportumla səfər etməliyəm?
  4. Sizin ikili vətəndaşlığınız varsa və ABŞ vətəndaşı deyilsinizsə, Birləşmiş Ştatlara daxil olmaq üçün üstünlük verdiyiniz milliyəti seçməlisiniz. Siz Birləşmiş Ştatlara bir pasportdan istifadə edərək daxil olmalı və çıxmalısınız.

  5. Qüvvədə olan viza vurulmuş pasportum oğurlanmışdır. Nə etməliyəm?
  6. Pasportunuz kağız I-94 forması ilə bərabər itirilmiş və ya oğurlanmışdırsa, siz onları dərhal yenisi ilə əvəz etməlisiniz. Bunun üçün bir neçə addım atmalısınız. Əlavə məlumatlar üçün İtirilmiş və oğurlanmış pasportlar, Vizalar və Forma I-94 saytına daxil olun https://travel.state.gov/content/travel/en/us-visas/visa-information-resources/lost-stolen-visas.html.

  7. ABŞ vizasına ərizə vermək üçün pasportum nə qədər müddətə qüvvədə olmalıdır?
  8. Ölkələrarası sazişlərdə müəyyən edilmiş istisna hallarından başqa, ərizəçinin pasportu ərizəçinin Birləşmiş Ştatlarda nəzərdə tutduğu qalma müddətindən sonra 6 ay ərzində etibarlı olmalıdır. İstisnalar barədə məlumat üçün bu səhifəyə baxın: https://www.cbp.gov/document/bulletins/six-month-club-update. Əlavə məlumat üçün bu səhifəyə də baş çəkə bilərsiniz: https://travel.state.gov/content/visas/en.html.

  9. Mən planlaşdırılmış qəbul tarixinə qədər pasportumu dəyişməli oldum. Nə etməliyəm?
  10. Ərizəçi planlaşdırılmış görüşə gedə və yeni pasportu təqdim edə bilər. Ərizəçi planlaşdırılmış görüş tarixindən əvvəl yeni pasport ala bilməsə, ərizəçi bu görüşü ləğv etməli və ya vaxtını dəyişməlidir. Ərizəçi qüvvədə olan pasport olmadan viza üçün ərizə verə bilməyəcək. Pasport oğurlanmışsa, lütfən polis aktının bir nüsxəsini təqdim edin.

  11. Mənim pasportumun vaxtı qurtarmışdır, ancaq ABŞ vizam hələ də qüvvədədir. Nə etməliyəm?
  12. Viza, ləğv edilməyənə və ya geri alınmayana qədər, son başa çatma tarixinə qədər etibarlıdır.Əgər vizanız hələ də etibarlıdırsa, zədələnməmişsə və səyahətinizin əsas məqsədi üçün tələb olunan müvafiq növ vizadırsa, siz iki pasportunuzla Birləşmiş Ştatlara səyahət edə bilərsiniz. Hər iki pasport (etibarlı olan və üzərində viza olan, lakin müddəti başa çatmış) eyni ölkədən verilməli və eyni növ olmalıdır. Nəzərə alın: Etibarlı viza Birləşmiş Ştatlara daxil olmağa təminat vermir. Ölkəyə daxil olma barədə müstəsna qərarı Gömrük və Sərhəd Mühafizəsi Xidmətinin sənədləri yoxlayan əməkdaşı verir.

MRV haqqı ilə bağlı suallar

  1. Mənim ərizəm rədd edildi. Viza haqqını geri ala bilərəmmi?
  2. Xeyr. Ödədiyiniz haqq ərizə haqqıdır. ABŞ vizası üçün dünyanın istənilən yerində ərizə verən hər bir kəs ərizənizə baxılma xərclərini əhatə edən bu haqqı ödəməlidir.

  3. MRV haqqını onlayn ödəyən zaman sistemin xətası mesajını aldım. Mənim ödənişim keçdimi? Mən MRV haqqının ödənməsi qəbzinin nömrəsini necə ala bilərəm?
  4. MRV haqqının ödənişləri geri qaytarılmır. MRV haqqını onlayn ödəyən zaman sistemin xətası mesajını almısınızsa, başqa ödəniş etməyə cəhd göstərməyin. İstifadəçi hesabınızla sistemə daxil olaun və "Hesabım" ana səhifəsinə gedin, "Davam et" düyməsinə basaraq, göstərişlərə əməl edin.

  5. MRV rüsumumu sata və ya başqa birinə verə bilərəm?
  6. MRV haqqının ödənişləri geri qaytarılmır və başqa şəxsə ötürülə bilməz. Siz MRV haqqını başqa şəxsə sata və ya dəyişə bilməzsiniz.

  7. Mən MRV haqqını səhv məbləğdə ödəmişəm, nə edim?
  8. Hesabınıza daxil olun. Hesabım ana səhifəsinə gedin, "Davam et" düyməsinə basaraq, göstərişlərə əməl edin.

  9. Mən MRV haqqını son tarixdən sonra ödəmişəm, nə edim?
  10. Hesabınıza daxil olun. Hesabım ana səhifəsinə gedin, "Davam et" düyməsinə basaraq, göstərişlərə əməl edin.

  11. Mən MRV haqqını lazım olandan çox ödəmişəm, nə edim?
  12. Ödənişlə bağlı suallarınız və ya narahatlığınız varsa, lütfən bu internet saytının "Bizimlə əlaqə" funksiyasından istifadə edin.

  13. Viza üçün ərizə (MRV) haqqı ilə bağlı şərt və müddəaları haradan tapa bilərəm?
  14. Vizə ərizəsi (MRV) haqqı ilə bağlı bütün məlumatı here saytından tapmaq olar.

Viza üçün görüşlə bağlı suallar

  1. Daha tez görüşə ehtiyacım var və boş olan görüş günü yoxdur, nə etməliyəm?
  2. Siz sürətləndirilmiş qəbula yazılma xahiş edə bilərsiniz. Sürətləndirilmiş qəbula yazılma xahiş etmək üçün əvvəlcə ən yaxın boş tarixə adi viza qəbuluna yazılın. Sonra hesabınıza daxil olun, "Continue" (Davam et) bəndini klikləyin, "Request Expedite" (Sürətləndirmə xahiş etmək) seçin və təlimatları yerinə yetirin. Sürətləndirilmiş qəbula yazılmalar yalnız Konsulluq Şöbəsinin rəyi əsasında təqdim edilir. Sürətləndirilmiş qəbula yazılma üçün nəzərə alına biləcək şərtlərə daxildir:

    1. Yaxın qohumun Birləşmiş Ştatlarda vəfatı, ağır xəstəliyi və ya həyatına təhlükə törədən qəza baş verməsi.
    2. Ərizəçi və ya onun azyaşlı uşağı üçün təcili tibbi müalicə.
    3. l-20 və ya DS-2019 üzrə başlama tarixinin viza üçün ilk boş qəbula yazılma tarixindən əvvələ təsadüf etdiyi tələbə və ya mübadilə proqramı üzrə qonaq (F/M/J) vizası üçün müraciət edən ərziəçi.
    4. Viza üçün ilk boş qəbula yazılma tarixindən sonra 10 gün ərzində baş verən təcili biznes məqsədləri üçün Birləşmiş Ştatlara gözlənilməz səyahət ehtiyacı
    5. Viza üçün ilk boş qəbula yazılma tarixindən sonra 10 gün ərzində baş verən böyük mədəni, siyasi, jurnalistik, idman və ya iqtisadi əhəmiyyət kəsb edən gözlənilməz səfər.
  3. Görüşü necə ləğv edə və ya vaxtını dəyişə bilərəm?
  4. Qəbul tarixini yalnız o zaman dəyişə və ya ləğv edə bilərsiniz ki, qəbul tarixi gələcəkdə olsun. Qəbul tarixini dəyişmək və ya qəbulu ləğv etmək üçün sistemə daxil olmalı, "Davam" düyməsini klikləməli, "Qəbulu ləğv et" və ya "Qəbul tarixini dəyiş" variantını seçməli və sonra verilən göstərişləri yerinə yetirməlisiniz.

  5. Müsahibəyə gəlməsəm nə etməliyəm?
  6. Əgər müsahibə üçün qəbula gecikmişsinizsə, hesabınıza daxil olmalı, "Continue" (Davam et) bəndini klikləməli, "Missed My Appointment" (Qəbula gecikdim) linkini seçməli və təlimatları yerinə yetirməlisiniz. Nəzərə alın ki, ərizəçilər buraxdıqları qəbula təkrar yazılmaqdan ötrü təsdiq istəmək üçün 24 saat gözləməlidirlər.

  7. Ərizəçi şikayətləri harada verə bilər?
  8. İnternet saytının aşağı hissəsində "Bizimlə əlaqə saxla" linkinə basın və göstərişlərə əməl edin.

  9. Planlaşdırılmış qrup görüşləri üçün üzvləri necə əlavə edə və ya dəyişdirə bilərəm?
  10. Görüş təyin etdikdən sonra qrupa üzv əlavə etmək və ya onları dəyişmək istəyirsinizsə, qrup görüşünü ləğv etməli, qrupa üzv əlavə etməli və ya dəyişməli və sonra qrup görüşünün vaxtını dəyişməlisiniz.

    Lütfən nəzərə alın ki, təqvimdə mövcud olan vaxtdan asılı olaraq, əvvəlcə təyin edilmiş günə görüş təyin edə biləcəyinizə zəmanət verilmir.

  11. Viza üçün müsahibəyə məni kim müşayiət edə bilər?
  12. Ümumiyyətlə, yalnız qəbula yazılmış Viza ərizəçilərinə Konsulluq Şöbəsinə daxil olmağa icazə verilir. Valideynlərə və qanuni qəyyumlara kiçik uşaqları müşayiət etməyə icazə verilir. Tərcüməçilər və ya xəstə baxıcıları Ilə bağlı xüsusi təlimatlar və ya əlavə məlumat almaq məqsədilə konsulluq şöbəsi ilə əlaqə saxlamaq üçün konsulluq şöbəsinin internet saytına baş çəkin.

  13. Bütün viza ərizəçilərindən konsulluq müsahibəsinə şəxsən gəlmək tələb olunur?
  14. Əvvəlki ABŞ vizasını yeniləyənlər və ya müəyyən yaş qrupuna aid şəxslər viza müsahibəsindən azad edilə bilər. Bu hüquq qəbula yazılma prosesində suallara verilmiş cavablar əsasında müəyyən edilir. Bununla belə, konsulluq əməkdaşları hər hansı viza ərizəçisindən müsahibə tələb etmək hüququna malikdirlər.

  15. Əgər səhv etmişəmsə, qəbula yazıldıqdan sonra məlumatlarımı redaktə edə bilərəm?
  16. Əgər artıq qəbula yazılmışsınızsa, məlumatlarınızı redaktə etmək üçün qəbulunuzu ləğv etməlisiniz. Əgər qəbula yazılmamışsınızsa, hesabınıza daxil olmalı, ərizəçinin adı olan yerin tam sağında çarx işarəsini klikləməli və "Edit" (Redaktə etmək) bəndini seçməlisiniz.

Sənədlərin çatdırılması ilə bağlı suallar

  1. Konsulluq Şöbəsinə göndərdiyim sənədləri necə izləyə bilərəm?
  2. Kuryer kuryerlə çatdırma nömrəsini təchiz edir. Sənədlərinizi göndərmək üçün kuryerə verdikdə lütfən bu nömrəni kuryerin agentindən xahiş edin. Yükünüzün statusunu kuryerin internet saytında izləmək olar.

  3. Ərizəyə baxıldıqdan sonra mən pasportumu/vizamı necə alacağam?
  4. Viza ərizəsinə baxılma vaxtı və təsdiq edilmiş ABŞ vizasının çap edilməsi hər bir ərizəçi üçün fərqli olur. ABŞ Konsulluq Şöbəsi müsahibəsində iştirak etdikdən sonra sizin viza ərizənizin statusunu https://ceac.state.gov/CEAC saytından ala bilərsiniz.

    Sənədlərinizin qaytarılmasını izləmə ABŞ Konsulluq Şöbəsi sənədləri kuryerə təhvil verdikdən sonra başlayacaq. Sənədlərinizə daşınma nömrəsi təyin edildikdən sonra siz xəbərdaredici e-məktub alacaqsınız.

    Siz yükün statusunu bu sayta daxil olmaqla və Kuryerin daşıma nömrəsi linkinə basmaqla öyrənə bilərsiniz, bu link sizi ən son izləmə məlumatı üçün kuryerin internet saytına yönəldəcək.

  5. Sənədləri götürmə ünvanını dəyişə bilərəmmi? Evə çatdırılmaya dəyişə bilərəmmi?
  6. Bəli, viza sənədlərinizin çatdırılacağı yeri dəyişmək üçün son tarix qəbul tarixinizdən 24 saat əvvəldir. Göstərilən vaxtdan sonra kuryerin yerinin dəyişdirilməsi variantı hesabınızda qeyri-aktiv ediləcək və əlavə kuryer dəyişikliklərinə icazə verilməyəcək.

  7. Mənim Konsulluq Şöbəsindəki müsahibəmdən sonra 2 həftədən çox vaxt keçmişdir, mən sənədlərimi nə vaxt ala bilərəm?
  8. Viza üçün ərizəyə baxılma müddəti Konsulluq Şöbəsinin qərarı ilə müəyyən edilir. Ərizənizin statusunu yoxlamaq üçün lütfən https://ceac.state.gov/CEAC saytına baş çəkin. Vizanız verildikdən sonra 5 iş günündən çox vaxt keçmişsə və suz hələ də kuryerdən sənədlərin yola salınma nömrəsini almamışsınızsa, lütfən Bizimlə Əlaqə səhifəsində verilmiş göstərişlərə əməl edin.

  9. Sənədlərimin kuryerlə qaytarılmasını tezləşdirə bilərəmmi?
  10. Xeyr. Konsulluq Şöbəsi sənəd(lər)i kuryerə verdikdən sonra onlar 1-3 iş günü ərzində çatdırılacaq.

  11. Mən viza üçün ərizə sənədlərini Konsulluq Şöbəsinə poçtla təqdim edə bilərəmmi?
  12. Viza müraciəti üçün sənədlərinizi yalnız o halda konsulluq şöbəsinə təqdim edə bilərsiniz ki, viza üçün qəbula yazılma prosesinin sonunda bu barədə təlimat almış olasınız. Viza sənədlərini poçt vasitəsilə təqdim etmək hüququ olanlar haqda məlumat üçün bu səhifəyə baxın: https://ais.usvisa-info.com/az-az/niv/information/courier#courier_send.

  13. Viza müraciətimlə əlaqədar olaraq əlavə sənədlər təqdim etmək üçün konsulluq şöbəsindən təlimatlar almışam. Bunu necə etməliyəm?
  14. Siz əlavə sənədləri konsulluq şöbəsinə yalnız o halda göndərə bilərsiniz ki, xüsusi təlimatlardan, o cümlədən məktubla göndərilməsi tələb edilən sənədlərin siyahısından ibarət məktub və ya e-məktub almış olasınız. Sənədləri Konsulluq Şöbəsinə pulsuz göndərmək üçün bu internet saytında kuryerlə sənəd qəbulu üçün icazə sertifikatının çap edilməsinə dair aldığınız təlimatları yerinə yetirin. Əgər kuryerlə sənəd qəbulu üçün icazə sertifikatının çap edilməsində problemlə qarşılaşırsınızsa, bu internet saytının "Bizimlə əlaqə" səhifəsində sənədlərin çatdırıımasına dair təlimatları yerinə yetirin. Sənədlərin təhvili üçün səlahiyyətli məntəqələrin siyahısı üçün buraya baş çəkin: https://ais.usvisa-info.com/az-az/niv/information/courier#courier_send.

  15. Sənədlərin çatdırılması statusunu necə izləyə bilərəm?
  16. Hesabınıza daxil olun və "Status" bölməsində "Courier Shipping Number" (Kuryerlə göndəriş nömrəsi) bəndini klikləyin. Çatdırılma statusunu göstərən səhifə açılacaq. Əgər statusunuzda heç bir kuryerlə göndəriş nömrəsi yoxdursa, deməli pasportunuz hələlik kuryer tərəfindən işlənməyib və ola bilsin ki, işlənməkdədir. ABŞ Konsulluq Şöbəsində müsahibədə iştirak etdikdən sonra viza müraciətinizin statusunu https://ceac.state.gov/CEAC səhifəsində izləyə bilərsiniz və ya, əgər aidiyyəti varsa, müsahibə zamanı sizə verilmiş hər hansı təlimatları yerinə yetirin. Əgər sənədlərinizin qaytarılması ilə bağlı hər hansı əlavə narahatlıq və ya problem varsa, yaxud vizanızın verilməsindən 5 iş günündən çox vaxt keçmiş, lakin kuryerlə göndəriş nömrəsi hələ də yoxdursa, bu internet saytının "Bizimlə əlaqə" səhifəsində sənədlərin çatdırıımasına dair təlimatları yerinə yetirin.